Mütəxəssis məsləhəti

Gözəl bir toy hər gənc qızın xəyalıdır. Həyatının ən önəmli günündə qızlar hamıdan gözəl olmaq istəyirlər. Bunun üçün də toyla bağlı hər bir detal önəmlidir. Amma ən vacibi təbii ki, birbaşa gəlinlə bağlı olan gəlinlik, gül, makiyaj, saç düzümüdür.

Mütəxəssislər bunun üçün gəlinlərə peşəkar makiyaj ustalarına müraciət etməyi məsləhət görürlər. Türk mütəxəssis adətən gəlinlərin çini qablar kimi parlaq görüntü əldə etmək istədiyini deyir. “Gəlinlər makiyajda rənglərdən qorxurlar. Ancaq bu il rəngli işlər dəbdədir. Baharla birlikdə gəlinlərin seçimləri də daha canlı rənglərə doğru dəyişir”.

Gəlinlərin göz makiyajında ən çox üstünlük verdikləri rənglər qəhvəyi və ya qaradır. Makiyajda ya dodaqlar, ya da gözlər ön plana çıxarılır. Gəlin makiyajının ən önəmli məqamı isə onun davamlı olmasıdır. Bunun üçün isə keyfiyyətli vasitələrdən istifadə labüddür. Dayanıqlılığı təmin etmək üçün xüsusi spreylərdən də istifadə edilməlidir.

Gəlin makiyajı edilən zaman toyun keçirləcəyi məkanın açıq və ya qapalı olması, gəlinliyin modeli, rəngi kimi bir çox fakt nəzərə alınmalıdır. Təbii ki, gəlinlərin istəyi ilə.