Qadın sağlamlığı üçün həyati əhəmiyyət kəsb etsə də, kifayət qədər diqqət etmədiyimiz bir məsələ də menstruasiyadır. Ağızdan-ağıza “ayıbdır” sözləri ilə yalan məlumatların yayıldığı aybaşı ilə bağlı bir başqa fikir də sosial mediada müzakirələrə səbəb olub.
Yayılan məlumatlarda bir qadın menstruasiya zamanı orta hesabla 3 xörək qaşığı qan itirir. Bu doğrudurmu?
İstər menstruasiya zamanı diqqət edilməsi lazım olan gigiyena şərtləri, istərsə də ağrı ilə mübarizə olsun, bir çox qadın bu mühüm məlumatlardan xəbərdar olmadıqları üçün çətinliklərlə üzləşə bilərlər.
Tanınmış “Healthline” sağlamlıq saytının məlumatlarına görə, orta hesabla bir qadın menstruasiya zamanı 30-40 mililitr qan itirir ki, bu da 2-3 xörək qaşığına bərabərdir.
Əlbəttə ki, menstrual dövrünün müddəti insandan insana fərqli olduğunu düşünmək və əlavə etmək lazımdır ki, bu miqdar 60 mililitr, yəni 4 yemək qaşığı qədər də ola bilər. Amma sosial mediada bu fikirlə razılaşmayan qadınlar aybaşı zamanı daha çox qan itirdiklərini iddia edirlər.
Qadınlar niyə daha çox qan itirdiyini hiss edir? Çünki menstruasiya zamanı qan miqdarı ilə yanaşı, bədəndən selik və uşaqlıq toxuması da xaric edilir.
Əlavə olunan toxumalara görə menstruasiya zamanı qan itkisini ölçmək çox çətindir.
